23 Set O Salón Internacional da Minería celebrarase en Sevilla en outubro de 2022
A IV edición do Mining and Minerals Hall (MMH), organizada pola patronal da minería metálica AMINER, celebrarase entre os días 18 e 20 de outubro en Sevilla.
A innovación e os novos retos de sector serán algúns dos protagonistas do certame que apostará pola internacionalización co fin de posicionar ao MMH como un referente mundial do sector. O Salón celebrarase no Palacio de Exposicións e Congresos, Fibes, da capital hispalense.
De carácter bienal, o MMH celebrou a súa última edición en outubro de 2019 coa participación de 150 expositores comerciais, máis de 900 congresistas de 17 nacionalidades e 70 relatores dun programa científico de primeiro nivel. Con máis de 10.000 visitas rexistradas e 2.000 encontros empresariais, Sevilla converteuse durante eses días na capital mundial da minería.
MMH acollerá ás principais compañías e entidades do sector mineiro español, así como ás súas empresas auxiliares e outras industrias relacionadas. Unha cita internacional que servirá para expoñer novos proxectos e debater en torno ao futuro do sector, favorecendo o networking entre os participantes e o intercambio de experiencias.