08 Abr Q-Sand: a nova liña de areas silíceas coa que Erimsa potencia a innovación do sector mineiro

A empresa Erimsa continúa apostando pola innovación no sector da minaría, crucial para o desenvolvemento socioeconómico de Galicia e de todo o territorio nacional.

A compañía acaba de aumentar a súa gama de areas silíceas con Q-Sand. Esta nova liña conta con múltiples aplicacións, especialmente enfocada á fabricación de morteros e pinturas, abrasivos, fundición e ferroaleacións, entre outros. En 2020, Erimsa comercializou máis de 25.000 toneladas de areas especiais e a previsión de mercado da demanda por parte de diferentes sectores é á alza.

A gama Q-Sand caracterízase pola súa versatilidade, sendo de grande eficacia en pavimentos especiais, superficies deportivas tanto de céspede natural como artificial e xardinería, abrasivos industriais, prefabricados, mellora de funcionamiento e sistemas de depuración…

A innovación de Erimsa non pretende se non asegurar a sustentabilidade económica e ambiental na produción destes materiais, para o que emprega como materia prima cuarzo seleccionado, libre de materia orgánica e impurezas,  acadando uns cortes granulométricos mesmo por debaixo de 1 mm.

Q-Sand é o resultado do seu empeño por avanzar no desenvolvemento de produtos que contribúan na modernización do catálogo da empresa e que aporten solucións a outros sectores.

Actualmente, Erimsa conta con catro centros de produción en Galicia e Castela e León e dispón dun eficiente sistema loxístico para a súa distribución.