AGENDA
O Premio á Mellor Iniciativa Social no Ámbito Enerxético de Fundación Naturgy quere axudar a financiar iniciativas neste ámbito para mellorar a calidade de vida das persoas máis vulnerables.
Poderán presentarse proxectos que estean relacionados coa enerxía, que teñan un fin social claro e que axuden aos que máis o necesitan a mellorar as súas condicións de vida: proxectos educativos, de vulnerabilidade enerxética, de emprendemento, de inclusión social, de saúde, ambientais, relacionados coa economía circular…
É importante que as iniciativas presentadas estean en marcha ou xa concluídas e se desenvolvan en España. O importe íntegro do recoñecemento deberá ser destinado tamén a proxectos sociais que promovan a mellora das condicións dos colectivos vulnerables en temas relacionados coa enerxía.
O premio estará dotado con 60.000 euros, e ademais outorgarase un accésit de 30.000 euros. Poden participar todas aquelas persoas físicas ou xurídicas que, co seu traballo, xeren melloras nas condicións sociais dos colectivos máis desfavorecidos con actuacións vinculadas, directa ou indirectamente, ao ámbito da enerxía.
Podes presentar a túa candidatura ata o 1 de marzo de 2024.