10 Dec Dispoñibles nesta web os relatorios de patrimonio mineiro

Os relatorios da xornada de presentación do proxecto Atlanterra, desenvolta o pasado 28 de outubro en Santiago, están xa dispoñibles para a súa consulta e descarga nesta web. A Cámara Oficial Mineira de Galicia quere darlle resposta así ao elevado interese que manifestaron numerosos asistentes ao evento por ter acceso a estes documentos.

A través do botón Outros desta web, e presionando logo en Documentación, accédese ás intervencións de Carmen Marchán Sanz e de Enrique Díaz Martínez, ambos os da área de Patrimonio Xeolóxico e Mineiro do Instituto Xeolóxico e Mineiro de España ( IGME), así como á de Enrique Orche, presidente da Sociedade Española para la Defensa del Patrimonio Xeolóxico e Mineiro.

O relatorio de Carmen Marchán está centrada no Mapa de patrimonio mineiro de Galicia, elaborado polo IGME; e a de Enrique Díaz Martínez no Proxecto Atlanterra, no que se enmarca o devandito mapa. Pola súa banda, Enrique Orche abordou o Plan nacional de patrimonio industrial.

Accede directamente aos documentos aquí.