10 Out Dispoñible para consulta o borrador do Plan Hidrolóxico Galicia-Costa

A Consellería de Medio Ambiente, Territorio e Infraestruturas abriu o período de consulta do borrador do Plan Hidrolóxico da Demarcación Hidrográfica de Galicia-Costa 2015-2021. O documento, elaborado por Augas de Galicia, está dispoñible para a súa consulta pública ata o día 10 de novembro.

As persoas interesadas en acceder ao borrador poden facelo a través de de esta ligazó ao portal web do departamento que dirixe Ethel Vázquez. A ligazón permite descargar o documento de consultas, o borrador do plan e o documento inicial estratéxico. Ademais, permítese a participación cidadá co envío de comentarios.

Coñecida a dispoñibilidade de consulta deste documento, a Cámara Oficial Mineira de Galicia informou os membros do Comité de Normativas, co obxectivo de analizar as posibles afeccións do plan ao desenvolvemento mineiro no territorio no que se desenvolve.