08 Abr A COMG incorpora ao Colexio Oficial de Enxeñeiros de Minas do Noroeste

Posted at 00:00h in Novas by
  • O ente colexial vén de confirmar a súa adhesión, como membro de pleno dereito con voz e voto.
  • Cúmprese así o obxectivo da Cámara Oficial Mineira de Galicia de potenciar a unión de esforzos en favor dunha minería sustentable en Galicia.

A Coruña, 8 de abril de 2014.

O Colexio Oficial de Enxeñeiros de Minas do Noroeste de España ( COIMNE) vén de confirmar a súa incorporación como membro da Cámara Oficial Mineira de Galicia, co obxectivo de axudar á consecución dunha minería sustentable en Galicia, a través da súa participación no ente cameral. Deste xeito, e tras a recente adhesión do Ilustre Colexio Oficial de Geólogos e do Colexio de Enxeñeiros Técnicos de Minas de Galicia, a Cámara logra o seu obxectivo de integrar outro dos colectivos profesionais relacionados coa actividade mineira. Trátase así de unir esforzos para garantir un sector mineiro galego ambientalmente compatible, socialmente responsable, laboralmente seguro e economicamente rendible.

A relevancia dos Enxeñeiros de Minas no desenvolvemento das actividades mineiras levou ao organismo que preside Juan de Deus Martín Aparicio a propoñerlle ao decano delegado do COIMNE, Juan José Igrexas Suárez, a súa incorporación á COMG. Ambas as partes coinciden en afirmar que a súa integración como membro activo “redundará en beneficio do sector mineiro e, por tanto, dos enxeñeiros colexiados”.

IMPLICACIÓN E COMPROMISO
ara a Cámara, “o futuro do sector mineiro galego pasa pola implicación e compromiso de todos os axentes que compoñen a comunidade mineira na consecución dunha minaría sustentable”. Con este convencemento, a entidade apostou con éxito por integrar os colectivos que forman o sector mineiro, entre os que destacan os colexios que representan os profesionais vinculados á minería.
O obxectivo é consolidar minaríaa sustentable e o achegamento do sector mineiro á sociedade, cun mellor coñecemento do que representa a actividade extractiva para o benestar social e a economía de Galicia. Así, a Cámara destaca a relevancia dos recursos minerais e da súa posta en valor en Galicia para o desenvolvemento socioeconómico, xa que proporcionan as materias primas necesarias para os procesos produtivos, enerxéticos e construtivos.