15 Mai A Cámara Oficial Mineira de Galicia e Aminer firman un convenio de colaboración

O pasado 10 de maio, a COMG (Cámara Oficial Mineira de Galicia) e Aminer (Asociación de Empresas Investigadoras, Extractoras, Transformadoras Mineiro-Metalúrxicas, Auxiliares e de Servizos) chegaron a un acordo de colaboración a través do cal se establece un irmandamento entre ambas as organizacións. Na firma do convenio participaron o presidente da COMG, Juan José López, e a directora da entidade, Arantxa Prado; así como a xerente de Aminer. Priscila Moreno e a súa directora técnica, Marta Cerati. As dúas entidades defenden os intereses do sector mineiro nas súas respectivas rexións, Galicia e Andalucía, polo que esta alianza resulta estratéxica para unir forzas e recursos para alcanzar obxectivos comúns. Entre as devanditas metas atópanse: fomentar o desenvolvemento sostible da industria extractiva en España, representar e defender os intereses dos seus socios e membros, fomentar o coñecemento e a divulgación da minería; ou actuar como órganos consultivos das administracións públicas.