A Cámara Mineira de Galicia mantivo unha reunión co Subdelegado do Goberno en Ourense, Eladio Santos, dentro da rolda de encontros que a COMG está desenvolvendo coas subdelegacións do Goberno de cada provincia para abordar asuntos de interese que afectan ao sector mineiro galego.
Neste caso, a directora da Cámara Oficial Mineira de Galicia (COMG), Arantxa Prado, asistiu xunto con Marcos Ríos e María Fernández (representantes de Graniteiros de Ourense e membros da Xunta Directiva da COMG), José Ángel Lorenzo (Clúster do Granito) e Javier González (presidente do Comité Normativo da COMG).
Durante o encontro, trasladáronse varias cuestións prioritarias para o sector, centradas na simplificación administrativa, a operativa vinculada ao uso de explosivos, a dispoñibilidade de persoal cualificado e a competitividade exterior dos produtos mineiros galegos.
Ademais, desde a COMG, representando ao sector mineiro, solicitouse a súa inclusión, xunto ao resto de sectores primarios, nas medidas extraordinarias aprobadas para paliar as consecuencias da guerra de Irán. En concreto, pediuse estender ao sector a redución do IVE da gasolina e do gasóleo do 21% ao 10%, as axudas directas ao transporte sobre gasóleo.
