REPOSITORIO DE XORNADAS E WEBINARS
Unha das funcións da Oficina de Impulso de Proxectos Europeos é impulsar a participación dos diferentes axentes do sector mineiro en proxectos europeos.
Consulta toda a información sobre os webinars organizados pola OIPE. Para calquera dúbida ou proposta, podes escribir a camaraimpulsa@camaraminera.org
ACCEDE ÁS XORNADAS E WEBINARS DA OIPE
Webinar “Innovación e restauración ambiental para a Minería Galega: tecnoloxías ambientais para a monitorización e restauración sostible de solos e augas en áreas mineiras”
O 17 de xuño de 2025, a Oficina de Impulso de Proxectos Europeos (OIPE), co apoio da Xunta de Galicia, celebrou o webinar “Innovación e restauración ambiental para a Minería Galega: tecnoloxías ambientais para a monitorización e restauración sostible de solos e augas en áreas mineiras“. Neste encontro, expertos do centro CRETUS da Universidade de Santiago de Compostela (USC) presentaron as últimas innovacións en tecnoloxías ambientais para o seguimento e tratamento de solos, augas e ecosistemas afectados pola actividade mineira, así como estratexias de restauración baseadas na natureza e construción de solos a través de diferentes casos prácticos de éxito abordados en Galicia e arredores por parte do grupo de investigación AMBISOL.
DESCARGA
A PRESENTACIÓN (1)
DESCARGA
A PRESENTACIÓN (2)
Webinar “Retos e oportunidades na transformación dixital do sector dos áridos”
DESCARGA
AS PRESENTACIÓNS
O 6 de maio de 2025, a Oficina de Impulso de Proxectos Europeos (OIPE), da man da Asociación Galega de Áridos (ARIGAL), celebrou o webinar “Retos e oportunidades na transformación dixital do sector dos áridos“. Na primeira parte da xornada, Aitor Puente, director de ARIGAL, presentou os retos e perspectivas da dixitalización no sector dos áridos en Galicia. A continuación, Javier Martínez, profesor titular da Universidade de Vigo e Advisor & Partner en Possible, centrouse na aplicación da intelixencia artificial (IA) na industria, salientando o seu impacto na eficiencia operativa e a experiencia do usuario. Por último, Alex Varoli, district Manager Iberia & Italy de Weir, presentou unha solución práctica de intelixencia artificial chamada Belt Metrics para a industria de áridos.
Xornada técnica “Economía Circular en Restauracións Mineiras”
DESCARGA
AS PRESENTACIÓNS
O 11 de marzo de 2025, a Oficina de Impulso de Proxectos Europeos (OIPE) celebrou a xornada técnica “Economía Circular en Restauracións Mineiras“. Na primeira parte do encontro realizáronse catro relatorios, centradas no marco xurídico que regula a rehabilitación dos espazos afectados pola actividade mineira; o uso de residuos na formulación dos tecnosolos dacordo coa normativa; e a exposición de casos de éxito. A modo de peche, os relatores participaron nunha mesa redonda, na que revisaron o marco legal que protexe a xestión das restauracións en contornas mineiras e comentaron os beneficios da aplicación de certas técnicas de rehabilitación ambiental, entre outros temas.
Xornada de posta en valor dos resultados da Oficina de Impulso de Proxectos Europeos (OIPE) do ano 2024
DESCARGA
AS PRESENTACIÓNS
O 5 de decembro de 2024 celebrouse no Hotel Monumento San Francisco a xornada de peche anual da Oficina de Impulso de Proxectos Europeos (OIPE). No evento, por unha banda, realizouse unha exposición das diferentes actuacións levadas a cabo no ano 2024 e destacáronse os diferentes indicadores de logro asociados ás mesmas. Doutra banda, contouse coa participación de ARIGAL na presentación do Proxecto MIN_CIRC, e na actualización da cronoloxía do proxecto, a conformación do consorcio, o punto no que se atopa e os próximos pasos a dar.
Programa de Financiamento Europeo Empleaverde+ e Proxecto MIN_CIRC
O 24 de setembro de 2024, a Cámara Oficial Mineira de Galicia (COMG) celebrou con éxito o seminario en liña centrado en o Programa de Financiamento Europeo Empleaverde+ da Fundación Biodiversidade e o proxecto MIN_CIRC para o desenvolvemento mineiro circular. Neste webinar participaron dous expertos no programa Empleaverde+, que explicaron en detalle as oportunidades que ofrece para fomentar a economía verde e a creación de emprego sostible. Doutra banda, a COMG expuxo o proxecto MIN_CIRC, unha iniciativa que se presentará á próxima convocatoria do programa Empleaverde+, co obxectivo de cualificar profesionais para promover un desenvolvemento mineiro máis circular e sostible, e será impulsada coa axuda de a Oficina de Impulso de Proxectos Europeos (OIPE).
DESCARGA
A PRESENTACIÓN (1)
DESCARGA
A PRESENTACIÓN (2)
DESCARGA
A PRESENTACIÓN (3)
Construíndo xuntos: estratexias para a constitución exitosa de consorcios en proxectos europeos
O 25 de xuño celebrouse o primeiro webinar de 2024 organizado pola Oficina de Impulso de Proxectos Europeos (OIPE): “Construíndo xuntos: estratexias para a constitución exitosa de consorcios en proxectos europeos“. Nesta xornada abordáronse os aspectos máis relevantes da procura e formación de consorcios na captación de financiamento europeo para iniciativas no ámbito da I+D+i. A dinámica da xornada foi unha mesa redonda na que contamos coa experiencia dun axente crave nesta materia: o Centro Tecnolóxico de Investigación Multisectorial – CETIM.
DESCARGA
A PRESENTACIÓN
ACCEDE
AO VIDEO
Xornada de posta en valor dos resultados da Oficina de Impulso de Proxectos Europeos (OIPE) do ano 2023
FEUGA (Fundación Empresa – Universidade Galega) acolleu o 29 de novembro de 2023 a Xornada de posta en valor dos resultados da Oficina para a captación, a coordinación e o seguimento de fondos europeos de investigación, innovación e modernización. Unha xornada á que tamén foi posible asistir en liña. Neste evento presentáronse os resultados obtidos na actividade da OIPE a través dos diferentes fitos desenvolvidos, as candidaturas destacadas e os obxectivos para 2024. Ademais, asistiron profesionais do ámbito da coordinación de proxectos europeos, quen realizou unha introdución dos diferentes tipos de financiamento e os mecanismos de adaptación.
DESCARGA
A PRESENTACIÓN (1)
DESCARGA
A PRESENTACIÓN (2)
ACCEDE
AO VIDEO
Xornada de presentación da Oficina de Impulso de Proxectos Europeos (OIPE)
A Axencia Galega de Innovación acolleu o 3 de outubro de 2023 a Xornada de presentación da Oficina de Impulso de Proxectos Europeos (OIPE), evento no que se expuxeron as funcións que esta cumpre e os servizos que ofrece aos axentes que compoñen a Industria Mineira Galega en materia de innovación e desenvolvemento tecnolóxico. Nesta xornada estiveron presentes membros técnicos da Administración e profesionais do sector.
DESCARGA
A PRESENTACIÓN
ACCEDE
AO VIDEO
