18 Ago Convocado o IV Certame de Fotografía Mineira

A sociedade MUNDO MINEIRO, con sede na Escola de Minas da Universidade de Vigo, convoca o IV CERTAME DE FOTOGRAFÍA MINEIRA “MUNDO MINEIRO 2011”. O prazo para a presentación de fotografías permanecerá aberto ata o próximo 18 de outubro, e a entrega de premios coincidirá coa festividade de Santa Bárbara no mes de decembro.

Esta iniciativa conta co patrocinio da Cámara Oficial Mineira de Galicia, o Colexio de Enxeñeiros de Minas do Noroeste de España, a Escola de Minas de Vigo e a Universidade de Vigo, así como coa colaboración da Asociación de veciños minas dá Brea e o Excelentísimo Concello de Vila de Cruces.

Con motivo deste evento levarán a cabo, ao igual en edicións precedentes, unha exposición e un catálogo fotográfico que se presentará o día da entrega de premios.

As novidades en 2011 céntranse no establecemento de dúas categorías:

• unha dedicada á minería en xeral, para a cal a organización dispuxo tres premios.
• outra dedicada á mellor fotografía histórica relacionada coa minería, enfocada nesta edición nas minas de Fontao, aproveitando a inauguración do edificio máis emblemático do poboado mineiro: a igrexa deseñada e proxectada nos anos cincuenta por Joaquín Basilio Bas e César Cort, e que arquitectónicamente resulta excepcional no contexto galego.

Para esta categoría a organización contempla outros tres premios. Ao longo das tres edicións precedentes conseguiuse a participación de autores procedentes de toda España. A previsión é consolidar esta participación e mesmo abrir o concurso a fotografías estranxeiras.

O cartel da presente edición foi realizado por Manolo Ebra, baseado nunha plumilla que representa un forno situado no antigo lavadoiro das minas de Fontao e que aínda se conserva. Esta obra é parte dunha serie de plumillas sobre as minas de Fontao.