A MINARÍA, EN CIFRAS
Os recursos xeolóxicos son bens de dominio público que forman parte da riqueza nacional e son a materia prima necesaria para a industria, a construción, a agricultura e a gandaría.
O aproveitamento dos recursos xeolóxicos está declarado, na maioría dos casos, como de utilidade pública pola súa importancia estratéxica e económica. A execución da actividade mineira está encomendada a empresas privadas por medio de concesións e autorizacións, baixo a estrita supervisión e control das administracións.
ESTATÍSTICA MINEIRA 2022 – GALICIA
- Galicia representa o 8,4% do valor da produción mineira de España (0,2% máis que no ano 2021) con 329,8 millóns de euros (48,2 millóns de euros máis que en 2021).
- Galicia segue a ser a 4ª comunidade en valor de produción, por detrás de Andalucía, Cataluña e Castela e León, e sitúase no 3º posto en emprego mineiro, cun total de 4.552 empregos directos, contando con Balnearios e instalacións de auga embotellada, dos que 986 son de xénero feminino, o que supón un 21,66% do emprego (2,2% máis que en 2021).
- Galicia mantense líder na produción de rochas ornamentais, aumentando un 2% con respecto ao ano 2021, co 41,8% da produción nacional.
- Galicia é líder na produción de lousa con uso ornamental, co 45,8% da produción española distribuida en 39 explotacións, o 49% das explotacións totais.
- Galicia é líder na produción de granito ornamental en España, xerando o 34,2% das toneladas totais extraídas, dispoñendo dentro da comunidade de 42 explotacións, que representan o 50% das explotacións nacionais.
- Galicia é líder na produción de cuarzo, co 69,2% da produción nacional e o 50% do valor das exportacións nacionais.
- Galicia é líder nacional no subsector Balnearios, co 18,45% da oferta e o 19,22% da cota de mercado nacional; e en España, en 2022, envasáronse 150 marcas de auga mineral, sendo 12 as firmas galegas.
Datos por subsector 2022
| *Explotacións | *Empregados | *Produción (T) | *Produción (€) | |
|---|---|---|---|---|
| Áridos | 90 | 9.090.150 | 55.049.781 | |
| Cerámica | 13 | 292.116 | 5.871.875 | |
| Granito | 56 | 591.425 | 31.268.895 | |
| Lousa | 39 | 470.736 | 154.066.699 | |
| Minerais industriais | 14 | 2.521.836 | 43.605.702 | |
| Minaría metálica | 2 | 443 | s.e. | |
| Total | 214 | 3.621 | 12.966.706 | 329.841.719 |
| Augas Minerais | 13 | 438.331.052 litros | ||
| Balnearios | 19 | 170.017 auguistas |
*Explotacións
Fonte:
Estatística Mineira. Ministerio para a Transición Ecolóxica e o Reto Demográfico.
Nota:
Explotacións activas, dadas de alta como ‘en produción’.
*Empregados
Fonte:
IGE. Instituto Galego de Estatística.
*Produción (T)
Fonte:
Estatística Mineira. Ministerio para a Transición Ecolóxica e o Reto Demográfico.
*Produción (€)
Fonte:
Estatística Mineira. Ministerio para a Transición Ecolóxica e o Reto Demográfico.
Nota:
Este é o prezo de ‘primeira venda’ da produción a pé de canteira. Non inclúe o valor engadido nos procesos industriais e de comercialización posteriores, que no caso das rochas ornamentais multiplica o valor de última venda.