13 Set Arigal organiza a VI Xornada de Responsabilidade Empresarial na Seguridade e Saúde Laboral no Sector dos Áridos
Coincidindo co European Minerals Day (Día Europeo dos Minerais), o 19 de setembro a Asociación Galega de Áridos (ARIGAL) celebra a VI Conferencia sobre Responsabilidade Corporativa en Seguridade e Saúde Laboral, nesta ocasión baixo o título “O Director Facultativo”.
O evento, que conta co apoio da Xunta de Galicia e a colaboración de Ibersys e a plataforma Minaría Sostible de Galicia, terá lugar no Pazo de San Roque en Santiago de Compostela.
A figura do director facultativo será o eixo impulsor da xornada, na que se tratarán puntos como o seu papel e responsabilidades dentro das canteiras de áridos, así como a adaptación á Lei de Prevención de Riscos Laborais, ao Regulamento Xeral de Normas Básicas de Seguridade Mineira e ás directivas europeas.