11 Feb A Escola de Enxeñaría de Minas e Enerxía lanza a IV edición do concurso MULLE.Rme

A Escola de Enxeñaría de Minas e Enerxía da Universidade de Vigo prepárase para a celebración do Día da Muller, que terá lugar o próximo 8 de marzo, e para iso convoca novamente MULLE.Rme.

Trátase dun evento fotográfico que cada ano adquire maior notoriedade e cuxo obxectivo é dar visibilidade á muller nas actividades e escenarios que teñen que ver coa profesión de Enxeñería de Minas e Enerxía.

As fotografías presentadas deberán representar o papel da muller en relación coa xeración, transformación, transporte e uso da enerxía; as enerxías renovables; a explotación de minerais e rochas, túneles e obras subterráneas; a restauración de espazos mineiros; a avaliación de impacto ambiental; fabricación e uso de materiais, explosivos, etc.

As persoas interesadas poderán enviar as súas fotografías a eme@uvigo.es antes do 5 de marzo de 2022.

Consulta aquí as bases.