31 Mar A COMG organiza unha visita á mina de Caolines de Vimianzo na que participan 71 alumnos do CEIP Bergantiños

O xoves 20 de marzo, a Cámara Oficial Mineira de Galicia (COMG) organizou unha visita escolar á mina de Caolines de Vimianzo (CAVISA), na que participaron 71 alumnos de 2º de Educación Primaria do CEIP Bergantiños de Carballo (A Coruña). Esta iniciativa enmárcase nas actividades de divulgación da plataforma Minaría Sostible de Galicia (MSG).

Durante a xornada, os nenos e nenas recibiron unha charla sobre a minaría en Galicia e puideron coñecer a actividade da mina de Caolines de Vimianzo, así como tamén os seus minerais: caolín, mica e areas de sílice. A continuación, os alumnos levaron a cabo varias actividades, como a visita ao lago mineiro, un taller de manualidades con arxila e a plantación de castiñeiros.

Desde a COMG, gustaríanos agradecer ás profesoras e alumnos polo seu apoio e interese para a realización da visita, así como aos traballadores de CAVISA pola súa participación.