26 Mai A COMG colabora no primeiro congreso virtual mundial da minaría

Posted at 10:31h in Novas by

REMIO, entidade sen ánimo de lucro con presenza en España, México, Perú, Chile e Arxentina, organiza os días 9, 10 e 11 de xuño COVIDMIN, o primeiro Congreso Virtual mundial do sector mineiro.

A Cámara Oficial Mineira de Galicia participa nesta iniciativa como colaborador, coa misión de dar difusión ao congreso e promover os seus obxectivos: superar a pandemia sanitaria e económica fortalecendo o sector mineiro e establecendo lazos que permitan impulsar esta actividade que xera os materiais necesarios para o desenvolvemento social e que é un alicerce fundamental na xeración de emprego.

Entre os patrocinadores e media partners atópanse o Colexio de Enxeñería do Perú, o Colexio de Enxeñeiros de Chile, a Cámara Mineira de Chile, a Asociación de Enxeñeiros de Minas de #Ecuador, a Corporación Altaley, Volcan Glencore, Codelco, Energiminas ou Horizonte Mineiro.

Máis información: https://covidmin.org/