24 Abr A COMG asiste á xornada para coñecer os documentos iniciais do novo plan hidrolóxico da Demarcación Hidrográfica Miño-Sil

O xoves 24 de abril, Ourense foi o punto de encontro para a celebración da Xornada de participación pública sobre os Documentos Iniciais do novo ciclo de planificación hidrolóxica 2028-2033 da parte española da Demarcación Hidrográfica Miño-Sil. Este evento marca o inicio dun proceso crucial para a definición das bases do futuro plan hidrolóxico. Os asistentes, entre os que se atopaban representantes da Cámara Oficial Mineira de Galicia (COMG), tiveron a oportunidade de coñecer de primeira man os contidos destes documentos iniciais, que estarán abertos a consulta pública ata o próximo 20 de xuño.

Esta xornada representa o primeiro paso dun amplo proceso de participación cidadá. Posteriormente, a finais de 2025 e ao longo de 2026, abriranse dous novos períodos de información pública, cada un de seis meses de duración. Nestas fases sucesivas, debateranse e acordaranse tanto o esquema de temas importantes na xestión de augas como o programa de medidas que conformarán o plan hidrolóxico.