A MINARÍA, EN CIFRAS
Os recursos xeológicos son bens de dominio público que forman parte da riqueza nacional e son a materia prima necesaria para a industria, a construción, a agricultura e a gandería.
O aproveitamento dos recursos xeolóxicos está declarado, na maioría dos casos, como de utilidade pública pola súa importancia estratéxica e económica. A execución da actividade mineira está encomendada a empresas privadas por medio de concesións e autorizacións, baixo a estrita supervisión e control das administracións.
ESTATÍSTICA MINEIRA 2021 – GALICIA
- Galicia representa o 8,2% do valor da produción mineira de España (0,2% máis que no ano 2020) con 281,6 millóns de euros (35 millóns de euros máis que en 2020).
- Galicia segue a ser a 4ª comunidade en valor de produción, por detrás de Andalucía, Cataluña e Castela e León, e sitúase no 3º posto en emprego mineiro, cun total de 4.112 empregos directos, contando con balnearios e instalacións de auga embotellada, dos que 800 son de xénero feminino, o que supón un 19,46% do emprego (0,16% máis que en 2020).
- Galicia mantense líder na produción de rochas ornamentais, aumentando un 0,4% con respecto ao ano 2020, co 39,09% da produción nacional.
- Galicia é líder na produción de lousa con uso ornamental, co 47,7% da produción española distribuida en 36 explotacións, o 48% das explotacións totais.
- Galicia é líder na produción de granito ornamental en España, xerando o 53,1% das toneladas totais extraídas (3% máis que en 2020), dispoñendo dentro da comunidade de 42 explotacións, que representan o 53,2% das explotacións nacionais.
- En Galicia temos a única mina de Europa de coltan, concretamente en Viana do Bolo, a partir de antigos estériles de mina, nun claro exemplo de minaría circular. O coltan contén tántalo, considerado pola UE unha materia prima crítica, o que aumenta a importancia desta mina, por poder dar subministración dentro da propia UE.
- Galicia é líder na produción de cuarzo co 73,9% da produción nacional e o 92,8% do valor das exportacións nacionais (1,8% máis que en 2020). España é o 4º exportador mundial de cuarzo en toneladas, e segundo de Europa tras Alemania; e por valor das exportacións, 3º de Europa tras Noruega e Italia.
- Galicia é líder nacional no subsector balnearios co 18,45% da oferta e o 20,76% da cota de mercado nacional. En 2021 empezan a ascender os datos de auguistas respecto ao descenso que trouxo consigo a pandemia da COVID-19.
Datos por subsector 2021
| *Explotacións | *Empregados | *Produción (T) | *Produción (€) | |
|---|---|---|---|---|
| Áridos | 93 | 10.375.330 | 87.610.506 | |
| Cerámica | 12 | 256.700 | 3.940.006 | |
| Granito | 59 | 440.726 | 25.360.669 | |
| Lousa | 36 | 438.176 | 125.964.629 | |
| Rochas industriais | 12 | 1.616.538 | 54.761.157 | |
| Minaría metálica | 1 | 253 | s.e. | |
| Total | 213 | 3.373 | 13.137.484 | 299.084.091 |
| Augas Minerais | 13 | 293 | 397.007.610 litros | |
| Balnearios | 19 | 446 | 142.416 auguistas |
*Explotacións
Fonte:
Estatística Mineira. Ministerio para a Transición Ecolóxica e o Reto Demográfico.
Nota:
Explotacións activas, dadas de alta como ‘en produción’.
*Empregados
Fonte:
IGE. Instituto Galego de Estatística.
*Produción (T)
Fonte:
Estatística Mineira. Ministerio para a Transición Ecolóxica e o Reto Demográfico.
*Produción (€)
Fonte:
Estadística Mineira. Ministerio para a Transición Ecolóxica e o Reto Demográfico.
Nota:
Este é o prezo de ‘primeira venta’ da produción a pé de canteira. Non inclúe o valor engadido nos procesos industriais e de comercialización posteriores, que no caso das rochas ornamentais multiplica o valor de última venda.