29 Ago Minaría Sostible de Galicia súmase ao Minerals Day

Cada dous anos celébrase o Día Europeo dos Minerais, unha iniciativa impulsada por organizacións de toda a Unión Europea que representan ás industrias de áridos, cemento, minerais industriais, cerámica e rocas ornamentais, xunto a organizacións profesionais de xeólogos e enxeñeiros.

Esta celebración, que terá lugar os días 20, 21 e 22 de setembro, reúne a 40.000 persoas en máis de 200 eventos para a sensibilización e divulgación do sector mineiro en 32 países europeos.

O obxectivo é permitir unha mellor comprensión por parte do público das materias primas minerais, do seu papel esencial na vida cotiá, así como o seu carácter esencial para a economía da UE e o desenvolvemento da economía verde.

Nesta ocasión, Minaría Sostible de Galicia participa nesta iniciativa e ofrece a súa colaboración a aquelas empresas que tamén se unan á celebración do Día Europeo dos Minerais mediante eventos de portas abertas e actividades educativas en minas, canteiras e plantas, así como en museos mineiros.

Ademais, realizarase un evento central que contará coa participación de autoridades nacionais e galegas, prensa e sectores ou colectivos vinculados á actividade mineira.

No devandito acto darase voz a estes colectivos que ofrecerán o seu testemuño baseado na relación que teñen coa instalación mineira e como esta afecta á súa vida e a súa contorna: empregados, clientes e provedores, entidades patrocinadas e sindicatos.

Saber máis: https://minariasostible.gal/dia-europeo-minerales/