A Cámara Oficial Mineira de Galicia (COMG) celebrará o encontro “A pegada galega na transformación dixital” o luns, 10 de novembro, con recepción de asistentes ás 12:30 horas, no Club Nordés Empresarial (A Coruña).

A xornada, de acceso libre e de balde con inscrición previa, reunirá referentes do ecosistema tecnolóxico para analizar o papel de Galicia na transformación dixital e os retos que afronta o territorio, e poñer de relevo as necesidades dos profesionais da IA dos minerais críticos.

Participarán:

  • Ignasi Belda, director da AESIA
  • Verónica Bolón, investigadora do CITIC e directora da Cátedra INDITEX-UDC sobre a Intelixencia Artificial en algoritmos verdes
  • Cora Vinagre, Innovation Manager – FSAS International Quantum Center de Fujitsu

O coloquio estará moderado por Pablo Grandío, director do diario Quincemil.

Posteriormente, haberá un aperitivo ao rematar a mesa ás 14:15 horas, para o que é necesario confirmar asistencia na ligazón de inscrición.

Inscrición: https://docs.google.com/forms/d/e/1FAIpQLSeXpO98guLHiGKXTDfxEHDkS_S6D16BZ_-tngICzVG22OB9Zg/viewform?usp=publish-editor

Este encontro forma parte do ciclo “Encontros polo Centenario da COMG”, unha programación conmemorativa do Centenario da Cámara que impulsa espazos de diálogo sobre o pasado, presente e futuro de Galicia. O obxectivo é poñer en valor o talento e o liderado presentes na comunidade, especialmente en eidos vencellados aos recursos naturais, e conectar tradición e innovación, patrimonio e industria, cultura e investigación.