02 Mai A COMG participa na reunión do padroado da Fundación Minaría e Vida

O presidente da Cámara Oficial Mineira de Galicia, Juan José López Muñoz; e o director da mesma, Miguel Ángel Fortúnez; participaron na última reunión da Fundación Minaría e Vida como patróns da entidade.

Durante o encontro tratáronse temas organizativos para marcar a folla de roteiro para comezar a desenvolver as actividades da fundación, así como a súa participación inmediata no Congreso Nacional de Áridos que se celebrará en Oviedo este mes e no Mining and Minerals Hall de Sevilla programado para outubro deste ano.

A Fundación Minaría e Vida ten como obxectivo poñer en valor as materias primas minerais ante a sociedade, as autoridades públicas e o resto de interlocutores sociais. A COMG participa, do mesmo xeito que o resto de actores da industria extractiva que forman parte da fundación nacional, da misión de levar a cabo actuacións que fagan compatible á industria das materias primas co progreso sostible económico e social, co respecto ao medio e aos recursos naturais, e que garantan a saúde dos traballadores e cidadáns, e impulsen o coñecemento da industria española das materias primas de rochas e minerais.