Recursos Minerales de Galicia, membro da COMG, traslada a súa sede a Beariz

Recursos Minerales de Galicia, S.A, membro da COMG, traslada o seu domicilio fiscal a Beariz. Trátase dunha das medidas recollidas no Estudo de Impacto Económico e Social do proxecto que propón para a mina de Doade. A partir de agora, contará cunha oficina de traballo e atención ao público na Avenida de Merelles, 20 (CP 32520), Beariz (Ourense).

A apertura desta oficina supón o establecemento da sede fiscal do proxecto no municipio de Beariz, como primeiro paso para unha achega permanente de ingresos económicos ás arcas públicas da administración local de Beariz.