A Cámara Oficial Mineira de Galicia (COMG) organiza todos os anos diversos cursos de formación preventiva para traballadores do sector mineiro.
Algunhas destas formacións son obrigatorias e habilitantes, enmarcadas dentro da ITC 02.1.02 do Regulamento Xeral de Normas Básicas de Seguridade Mineira. Mentres que outras formacións de PRL (Prevención de Riscos Laborais) son voluntarias e están relacionadas con riscos de seguridade, hixiénicos e ergonómicos.
Todos os cursos teñen carácter gratuíto, xa que están subvencionados polas axudas á seguridade mineira co apoio da Dirección Xeral de Política Enerxética e Minas (Ministerio para a Transición Ecolóxica).
Durante este primeiro semestre do ano, foron un total de 231 persoas as que recibiron algún destes cursos, con 143 alumnos nas formacións obrigatorias:
- Formación preventiva para Operadores de maquinaria de transporte.
- Formación preventiva para Operadores de maquinaria de arranque.
- Formación preventiva para Operadores de plantas e oficinas.
- Formación preventiva para operadores de perforación, corte e voladura.
- Reciclaxe da formación preventiva para Operadores de maquinaria de arranque.
E 88 alumnos nas formacións opcionais:
- Condicións do terreo e o seu control.
- Simulacros de evacuación en caso de emerxencia.
- Primeiros auxilios.
- Traballos eléctricos.
A COMG leva organizando este tipo de cursos desde 2009, sumando desde entón un total de 1.885 participantes en 92 cursos ITC e 349 participantes nos 25 de PRL.
