Lousa

Galicia é a primeira rexión produtora de lousas do mundo. Estas rocas metamórficas proceden de sedimentos lutíticos e unha dos seus principais características é que poden ser exfoliadas en láminas delgadas. A súa exportación responde á demanda de cubertas de edificios, solados e revestimentos, chans e muros.

Na súa composición están presentes mica, clorita e cuarzo; e en menor medida, carbonatos, sulfuros metálicos (pirita, pirrotina e marcasita) e materia carbonosa. A porcentaxe destes materiais na súa composición marca a calidade da roca e as súas posibilidades de aplicación.

A pesar de que a variedade de lousas en Galicia é abundante, todas elas comparten algunhas propiedades como a durabilidade, un gran illamento térmico e acústico, ou a impermeabilidade e resistencia ás xeadas. Estas características, converten a lousa de Galicia nun material de construción prezado en todo o mundo. Como selo de calidade creouse a marca Galician & Spanish Slate que garante que a lousa foi sometida a exhaustivos controis de calidad.