guia-didactica-navarra-mineria (1)

Os nenos navarros coñecerán a importancia da minaría coas unidades didácticas da COMG

A Comunidade Foral de Navarra publicou recentemente as unidades didácticas e vídeos orientados ós escolares, así como os manuais docentes destinados ao profesorado elaborados en 2018 pola plataforma Minaría Sostible de Galicia. Estes materiais foron adaptados por Geoalcali e pola Comunidade Foral de Navarra para explicar a importancia do sector mineiro.

A Comunidade Foral de Navarra ten prevista a súa utilización nos colexios para visibilizar que os recursos minerais son motores de economía e progreso, materiais esenciais para a vida, para a industria e para a agricultura.

Estes materiais divulgativos xorden do acordo de colaboración asinado en febreiro entre a Cámara Oficial Mineira de Galicia (COMG) e a Comunidade Foral de Navarra e a empresa Geoalcali para fomentar o coñecemento do sector mineiro.

O acordo permite ás partes intercambiar información e materiais divulgativos, así como a realización de actividades e proxectos para a mellora do coñecemento por parte da sociedade da función e características do sector mineiro.