10 Mai A Xunta iniciará a elaboración dunha Estratexia Galega de Minaría Sostible

Paula Uría, directora xeral de Planificación Enerxética e Recursos Naturais, avanzou recentemente a intención da Xunta de elaborar unha Estratexia Galega de Minaría Sostible. Con este plan preténdese orientar a actividade dos próximos anos cara a un desenvolvemento económico, social e ambiental máis eficiente e racional.

Durante a súa intervención, a directora xeral puxo de manifesto a contribución da minaría galega ao desenvolvemento económico da nosa comunidade, posto que a acción das empresas extractivas axuda a fixar poboación nas zonas onde se instauran e a dinamizar a súa contorna.