Usuario Contrasinal
COMG
Usuario - - Acceso de usuarios
Jueves - 20.Septiembre.2018


Celebracións do Día da Árbore en explotacións mineiras de Cariño e Touro

enviar a un amigo
  • A actividade foi organizada pola Asociación Galega de Áridos (ARIGAL)
  • Os cativos realizaron unha plantación de 80 castaños empregando abono orgánico que elabora a empresa Tratamientos Ecológicos del Noroeste, localizada nos terreos da mina


A Asociación Galega de Áridos (Arigal) celebrou o 22 de marzo o Día da Árbore na canteira San Rafael, na mina que explota a empresa Explotacións Galegas, no concello de Touro. Co gallo da conmemoración, preto de 75 escolares do colexio compostelá Divino Maestro realizaron unha plantación de castaños neste espazo na que tamén participaron o alcalde da localidade, Ignacio Codesido, a xefa territorial de Coruña da Consellería de Medio Ambiente da Xunta de Galicia, Cristina Carrión; o director da Cámara Mineira de Galicia, Diego López, e o director da Asociación Galega de Áridos, Carlos Martínez.

Ademais levouse tamén a celebración á mina de dunita que a empresa Pasek Minerales explota no lugar de Landoi, en Cariño, preto de 40 escolares de 5º e 6º curso do CEIP de Cariño realizaron unha plantación de bidueiros neste espazo mineiro, na que tamén participaron o presidente de Arigal, José Lista Tasende, e o da Cámara Oficial Mineira de Galicia, Juan de Dios Martín Aparicio.

Á súa chegada ás explotación, os alumnos asistiron a unha charla explicativa sobre a relevancia dos áridos no desenvolvemento económico e social. Coñeceron tamén as características da canteira de Touro que explota F.Gómez y Cía e as características da canteira de Landoi, explotada desde 1972 por Pasek Minerales e de grande arraigo na localidade. Posteriormente, equipados con cascos e chalecos, dirixíronse aos terreos da mina onde realizaron a plantación de cadansúa árbore para a que empregaron abono orgánico producido pola empresa Tratamiento Ecológicos del Noroeste.

MINERAL PARA TODO O MUNDO

Os participantes na actividade aprenderon como se realiza a extracción e se moe e clasifica o mineral para logo ser distribuído, e no caso da mina de Landoi, para ser embarcado nos portos de Cariño e Ferrol para clientes de todo o mundo. Explicóuselles tamén que a dunita se usa como compoñente minoritario dos refractarios básicos utilizados en contacto co aceiro fundido, así como compoñente de abrasivos, áridos para construción e la de roca, entre outras aplicacións.

Ademais, no percorrido polas minas os escolares puideron ver as diferentes instalacións que lles permiten ás empresas xerar unha ampla gama de produtos. A produción anual da canteira de Pasek supera o 1,5 millóns de toneladas.

ONCE ANOS DE CONMEMORACIÓN

A conmemoración do Día da Árbore por parte da Asociación Galega de Áridos con escolares de diferentes puntos de Galicia chega en 2018 á súa undécima edición. O obxectivo da iniciativa é concienciar a poboación máis nova da importancia e utilidades dos áridos, así como divulgar o funcionamento das canteiras galegas.

Esta actividade anual enmárcase na aposta pola mellora ambiental e recuperación de espazos mineiros por parte de Arigal e dos seus asociados. Así, nos últimos seis anos repoboáronse máis de 40.000 árbores en antigas canteiras, nomeadamente especies autóctonas. 

26/03/2018 ir arriba
COMENTARIOS
Añadir nuevo comentario como [conectarse]
0 Caracteres escritos / Restan 1000
Esta web no se hace responsable de los comentarios escritos por los usuarios. El usuario es responsable y titular de las opiniones vertidas. Si encuentra algún contenido erróneo u ofensivo, por favor, comuníquenoslo mediante el formulario de contacto para que podamos subsanarlo.
ir arriba

Novas
Información
Lexislación / Normativa
Documentación
Servizos
Actividades / Eventos
Ligazóns
Cementos Cosmos, S.A.
Cementos Cosmos, S.A.
Banner censo minero Queixas, suxestions, parabens

Cámara Oficial Mineira de Galicia CIF: Q1570001F Juan Flórez 33-35, entlo. esq. 15004 A Coruña - Desarrolla Luis Galán
v02.15:0.01
GestionMax
Novidades   Contacto   Política privacidade   Aviso legal   Buscador   Mapa web